နောက်လ 14 ရက်နေ့ဆို 2 month ဖြစ်သွားပြီ
လုပ်ခဲ့ရတဲ့ အတွေ့အကြုံနဲ့ Knowledge လေး sharing လုပ်ပေးမလို့ပါ။
ဆိုတော့ ဇမ ဘယ်မှာလုပ်ခဲ့လဲဆိုရင် ISEC Eye Centre Myanmar မှာလုပ်တာပါ အဲ့မှာက နိုင်ငံတကာ ခေတ်မှီစက်ကိရိယာတွေနဲ့အတူ နိုင်ငံခြားကနေ အတွေ့အကြုံရှိတဲ့ ဆရာဝန်တွေကနေ ကိုယ်တိုင်ကိုယ်ကျ ပစ်ပေးတာမို့ စိတ်ချရပါတယ် ။ လူနာကိုလည်း အမြဲ Follow up လုပ်ပြီး မသိတာရှိရင်လည်း စိတ်ရှည်ရှည်ဖြေကြားရှင်းပြပေးကြပါတယ်။ operation ဝင်နေတုန်းမှာလည်း ဘေးမှာ Dr တွေ အများကြီးနဲ့ ဂရုတစိုက် ရှိကြပါတယ်။ ဇမကိုဆို ကြောက်နေလို့ Dr အမ ချောချောလေးက လက်ပါ ကိုင်ပေးထားတာ 🤭
(အရင်ဆုံးပြောချင်တာကတော့ ဇမက ဆေးပညာနယ်ပယ်ကမဟုတ်လို့ အမှားရှိခဲ့ရင် ဇမ အမှားသာဖြစ်ပါတယ်ရှင်)
မျက်လုံးလေဆာပစ်ပြီး ပါဝါဖျောက်တော့မယ်ဆိုရင် အခုတစ်လော မြန်မာနိုင်ငံမှာ နာမည်ကြီးနေတာ အမျိုးအစား 2 မျိုးရှိပါတယ် ။ တစ်ခုက PRK တစ်ခုက Lasik ပါ ။
( ဒီမှာ တစ်ခုသတိထားရမှာက Lasik ဖြစ်ဖြစ် PRK ဖြစ်ဖြစ် 2 ခုလုံးက အဝေးမှုန်ဖြစ်နေတဲ့ ဇမ တို့ရဲ့ curved ဖြစ်နေတဲ့ အမြင်လွှာကို လေဆာနဲ့ Manipulate လုပ်ပြီး ပါဝါလျှော့ချလိုက်တာပါ ပါဝါလုံးဝပျောက်သွားတာရှိသလို ပါဝါများရင်များသလောက် ပါဝါကျန်တာလည်းရှိနိုင်ပါတယ် ဒါက ဘယ်လောက်ကောင်းတဲ့ ဆေးရုံကြီးတွေမှာလုပ်လုပ် ဖြစ်တတ်တဲ့အရာပါ ကိုယ့်ရဲ့ မျကိလုံးအခြေအနေပေါ်မူတည်ပါတယ်။)
အရင်ဆုံး PRK ( Photorefractive Keratectomy)အကြောင်း ဇမ ဖတ်ထားမိသလောက်အကြမ်းဖျင်းပြောပြပါမယ်။ (ဇမ နားလည်သလိုပြောပြတာပါ)
သူကကျတော့ Cornea (မျက်ကြည်လွှာ) ကိုflap မလုပ်ရပဲနဲ့ အပေါ်ကနေ လေဆာကိုပစ်တာပါ ၊ ဒါက Pain level လည်းမြင့်ပြီး Recover လည်းပိုကြာပါတယ်။ may be 2-4 weeks လောက်ကြာပါတယ်တဲ့။ ဘယ်လိုလူတွေ လုပ်သင့်လဲဆိုရင် – အရင်က မျက်လုံးမှာ ဒဏ်ရာ or တစ်ခုခု ထိခိုက်ထားတဲ့သူတွေ ၊ အားကစားသ‌မားတွေ ၊ မျက်ကြည်လွှာ ပါးတဲ့ လူတွေ – အဲ့လိုလူတွေ လုပ်သင့်ပါတယ်တဲ့။
LASIK (Laser-Assisted in Situ Keratomileusis)
ဒါကတော့ ဇမ လုပ်ခဲ့တဲ့ဟာမို့လို့ အတွေ့အကြုံနဲ့သေချာလေး ရှင်းပြပါမယ်။
ပထမဆုံးတစ်ပါတ် အရင်ဆုံး Pre-screening လုပ်ရပါတယ်(PRK မှာလည်း လုပ်ရပါတယ် အဲ့ဒါစစ်ဆေးပြီးမှ ကိုယ်က ဘယ်ဟာနဲ့ ပိုသင့်တော်တယ်ဆိုတာကို ဆရာဝန်တွေနဲ့ တိုင်ပင်ဆွေးနွေးနိုင်မှာပါ)
လေဆာပစ်ဖို့ တစ်နာရီအလိုမှာ make up lotion အကုန်ဖျက်ထားရမယ်။ အဲ့ဒါက ပစ်ပြီးရင်လည်း 2 ပတ်လောက် ရှောင်ရတယ် ပစ်ပြီးရင် မျက်နှာတောင် မသစ်ရပါဘူး။
လေဆာပစ်တဲ့အချိန်မတိုင်ခင် အဝတ်လဲပြီး operation အခန်းထဲ မဝင်ခင်မှာ တောက်လျှောက် 5 min တစ်ခါလောက် ထုံဆေးခပ်ပေးပါတယ်။ operation room ထဲဝင်ခါနီးကျ မျက်လုံးတစ်ဝိုက် သေခြာသန့်စင်ပေးပါတယ်။ ဇမ အဲ့ရက်ကမှ Finale destination ကြည့်ပြီး ကြောက်လန့် တုန်ယင်နေလို့ စိတ်ငြိမ်ဆေးပါ ဆေးခန်းက တိုက်ပေးရပါတယ် 🥹
Lasik ကျတော့ Corneal ကို flap လုပ်ပြီးမှ လေဆာ ပစ်တာပါ ။ဒါကကျတော့ pain level လည်းနည်းပြီး recovery လည်းအရမ်းမြန်ပါတယ် ။ပစ်နေတဲ့အချိန်ကတော့ ဘယ်လိုမှ မနေပါဘူး ဇမဆို စိတ်ငြိမ်ဆေးသောက်ပြီး ကုတင်ပေါ်မှာ အိပ်ပျော်မလိုတောင် ဖြစ်သွားပါတယ် ဒါတောင် တစ်ဖက်ကို around 10-15 min လောက်ပဲကြာတာပါ ။ ပြီးလို့ ထုံဆေးပြေမှ မျက်ရည်ပူတွေကျပြီး မျက်လုံးက နည်းနည်းအောင့်သလိုခံစားရတာပါ။ ဒါပေမယ့် Lasik က recovery အရမ်းမြန်တော့ နောက်နေ့မနက်ကျ အဲ့ဒီ့နာတာတွေ ပျောက်သွားပါတယ် ။
PRK ရော Lasik ရောက လေဆာပစ်ပြီး ၂ ပတ်လောက်အထိ မျက်လုံးက လုံးဝအနားပေးရပါတယ်။ အပြင်ထွက်ရင် နေကာမျက်မှန်တပ်ရမယ် ။ အလင်းစူးတာတွေမကြည့်ရပါ‌ဘူး။ ရေမဝင်အောင်လည်း ဂရုစိုက်ရပါတယ်။ ဆရာဝန်ညွှန်တဲ့အတိုင်း မျက်စဉ်းတွေခပ်ရပါတယ်။
စာအရမ်းရှည်ရင် ဖတ်ရတာပျင်းမှာစိုးလို့ ဒီလောက်ပဲရေးပေးပါတော့မယ် ။ Pros and Cons နဲ့ ဆောင်ရန်ရှောင်ရန်ကတော့ ဆေးခန်းသွားပြမှ ဆရာဝန်တွေက စိတ်ရှည်ရှည်ရှင်းပြပါလိမ့်မယ်။
လုပ်ခဲ့ရတာ ကျေနပ်မှု Rating ဆိုရင် 10/10 ပါ ဘာလို့ဆို 10 နှစ်လောက် မျက်မှန်ပါမှ မြင်နေရတာကနေ မျက်မှန်မပါပဲ ကြည်ကြည်လင်လင်မြင်ရတဲ့ခံစားချက် မနက်နိုးလာရင် မျက်မှန်အရင် ရှာစရာမလိုတော့တဲ့ ခံစားချက်ကိုကြိုက်လို့ပါ ။
လုပ်သင့်လားလို့ ဇမကို မေးရင်‌တော့ 100% တိုက်တွန်းမိမှာပါ ဘာလို့ဆို မျက်မှန်တပ်ရတဲ့ အလုပ်ရှုပ်ပုံ တစ်သိန်းခြောက်သောင်းကို 10 နှစ်စာလောက်အတွေ့အကြုံရှိထားတော့ ဘယ်လောက်စိတ်ညစ်စရာကောင်းလဲသိလို့ပါ ။ နောက်ဆုံး ခေါက်ဆွဲပြုတ်စားရင်တော့ မျက်မှန်ချွတ်စားရပြီး ဘာမှ မမြင်ရတာမျိုးတွေမဖြစ်တော့ဘူးပေါ့ 🤣
ချွင်းချက်က အသက် 18-40 အတွင်းပဲလုပ်လို့ရပါတယ် မျက်စိသူငယ်အိမ်စောင်းရင် လုပ်လို့မရပါဘူး (ဒီနေရာမှာ သူငယ်အိမ်စောင်းတာနဲ့ စလင်ဒါက မတူပါဘူးနော် လေဆာပစ်ရင် စလင်ဒါ တစ်ခါတည်းပျောက်ပါတယ်)
ဖတ်ပေးလို့ကျေးဇူးတင်ပါတယ်။