• ကလေးတစ်ယောက်သည် ဘက်စုံဖွံ့ဖြိုးတိုးတက်ရန်အတွက် ကလေးသဘာ၀ ခုန်ပေါက်ပြေးလွှာ ဆော့ကစား ရပါသည်။ သဘာ၀အတိုင်း ပန်းခြံ၊ ကလေးကစားကွင်း အစရှိသည့်တွင်ဆော့ကစားခြင်းသည် ကလေး၏ ကိုယ်၊စိတ်၊ မျက်စိ ဖွံ့ဖြိုးတိုးတက်ရန်အတွက် အရေးပါပါသည်။
• နည်းပညာဖွံ့ဖြိုးတိုးတက်လာသည်နှင့်အမျှ ကလေးလူကြီးအလွှာပေါင်းစုံသည် Screen Time များပြားလာပြီး ကောင်းကျိုး၊ ဆိုးကျိုးများ ဒွန်တွဲဖြစ်ပေါ်လာကြသည်။
• ကလေး၊ သူငယ်များသည် မျက်လုံးနှင့် ခန္ဓာကိုယ်တည်ဆောင်ပုံ နုနယ်သောကြောင့် Screen Time ကြာလျှင် ကောင်းကျိုးထက်ဆိုးကျိုးများစွာ ခံစားရနိုင်ပါသည်။
• လေ့လာတွေ့ရှိချက်များအရ ဖုန်း၊ တက်ဘလက်များ တောက်လျှောက်သုံးနေသော ကလေးသူငယ်များသည် ငြိမ်သက်စွာနေခြင်းကြောင့် အ၀လွန်ရောဂါ၊ ဖွံ့ဖြိုးမှုနှောင့်နှေးခြင်း၊ မိမိကိုယ်ကိုယ့်ထိန်းသိမ်းနိုင်စွမ်းနည်းသော ရောဂါ (ADHD)၊ ဆုံးဖြတ်မှုနှေးခြင်း၊ တီထွင်ကြံဆမှုနှေးခြင်း၊ စာရေးတက်ရန် နှေးကွေးခြင်း စသော နောက်ဆက်တွဲများဖြစ်ပေါ်စေနိုင်ပါသည်။ ထိုပြင့် တီဗွီဂိမ်း၊ ဖုန်း၊ ကွန်ပျူတာ အသုံးများသောကလေးများသည် မျက်ရိုးကိုက်ခြင်း၊ ခေါင်းကိုက်ခြင်း၊ အဝေးမှုန်ခြင်း (Myopia) စသောမျက်စိရောဂါများပိုမိုဖြစ်တက်ပါသည်။
• ကမ္ဘာကျန်းမာရေးအဖွဲ့ကြီး (WHO) ၏ အကြံပြုချက်အရ အသက်တစ်နှစ်အောက်ကလေးငယ်များ လုံး၀ Screen Time ပေးမကြည့်သင့်ပါ။ အသက်(၂)နှစ်မှ (၅)နှစ်အတွင်း တစ်နေ့တစ်နာရီထက်ပို့ပြီး Screen Time ပေးမကြည့်သင့်ပါ။

ဖုန်း၊ ကွန်ပျူတာ သုံးရာတွင် အနီးကပ်ကြည့်လွန်းခြင်း၊ တခါတရံ မျက်စိစွေခြင်း၊ စောင်ခြင်း စသည်လက္ခဏာများဖြစ်နေလျှင် တက်ကျွမ်းနားလည်သော အထူးကုဆရာဝန်များနှင့် တိုင်ပင်ဆွေးနွေးသင့်ပါသည်။