မျက်စိမှုန်လာပြီဆိုရင် လူတော်တော်များများ ပြေးမြင်လေ့ရှိတာက “တိမ်” ပါပဲ 👁️‍🗨️

ဒါပေမဲ့ ကိုယ့်မှာဖြစ်နေတာက ရေတိမ်လား၊ အတွင်းတိမ်လားဆိုတာ မခွဲခြားတတ်ဘဲ ရောထွေးနေတတ်ကြပါတယ်😵‍💫

ရေတိမ်နဲ့အတွင်းတိမ်က နာမည်ချင်းဆင်ပေမဲ့ ကုသပုံရော၊ အမြင်အာရုံအပေါ် ထိခိုက်နိုင်ခြေပါ လုံးဝမတူပါဘူး! တကယ်လို့ လွဲမှားပြီး ပေါ့ဆလိုက်ရင် အမြင်အာရုံကွယ်ပျောက်တဲ့အထိ ဖြစ်သွားနိုင်ပါတယ်⚠️

တိမ်နှစ်ခုရဲ့ ကွာခြားချက် ~
🟦 အတွင်းတိမ် (Cataract) ဆိုတာ ဘာလဲ?
အတွင်းတိမ်ကတော့ အသက်ကြီးလာတာနဲ့အမျှ မျက်လုံးထဲကသဘာဝမှန်ဘီလူးလေး နောက်ကျိလာတာပါ။ မှန်ချပ် ဝါးနေသလိုမျိုး မှုန်ဝါးဝါးကြီး မြင်နေရတတ်ပါတယ်။

🔻အဓိကလက္ခဏာအနေနဲ့ မျက်စိတဖြည်းဖြည်း မှုန်လာမယ်၊ အရောင်တွေ မှိန်လာမယ်၊ ညဘက် ကားမောင်းရင် မီးရောင်တွေ ပြန့်နေမယ်

✨ ခွဲစိတ်ပြီးနောက်ကျိနေတဲ့ မှန်ဘီလူးအတုစားထိုးခြင်းဖြင့် ရာနှုန်းပြည့်နီးပါး ပြန်လည်ကြည်လင်အောင် ကုသလို့ရပါတယ်။

🟩 ရေတိမ် (Glaucoma) ဆိုတာ ဘာလဲ?
ရေတိမ်ကတော့ တကယ့် “အသံတိတ် အမြင်အာရုံခိုးယူသူ” ပါပဲ။ မျက်လုံးတွင်း ရေဖိအား (Intraocular Pressure) မြင့်တက်လာပြီး အမြင်အာရုံကြောကို တဖြည်းဖြည်း ပျက်စီးစေတာ ဖြစ်ပါတယ်။

🔻 ကြောက်စရာကောင်းတာက အစောပိုင်းမှာ ဘာလက္ခဏာမှမပြဘဲ လူမသိသူမသိ ဘေးဘောင်အမြင်တွေကနေ စပြီး ကွယ်လာတတ်ပါတယ်။ နောက်ကျမှ သိရတဲ့အခါမျိုးမှာ အမြင်အာရုံ တော်တော်များများ ဆုံးရှုံးနေတတ်ပါတယ်။

✨ ရေတိမ်ကြောင့် ပျက်စီးသွားတဲ့ အမြင်အာရုံကို ပြန်ကောင်းအောင် လုပ်လို့မရပါဘူး။ ကုသမှုရဲ့ ရည်ရွယ်ချက်က ရှိပြီးသား အမြင်အာရုံ ပိုမဆိုးသွားအောင် ထိန်းရုံ (မျက်စဉ်းခတ်ခြင်း၊ လေဆာပစ်ခြင်း သို့မဟုတ် ခွဲစိတ်ခြင်း) ပဲ ရပါတယ်။

💡 အသက် (၄၀) ကျော်လာပြီဆိုရင် သင့်မျက်လုံးမှာ ဘာလက္ခဏာမှမပြရင်တောင် တစ်နှစ်တစ်ကြိမ် မျက်စိအထူးကုဆရာဝန်ကြီးများနှင့် မပျက်မကွက် ပြသပြီး ရောဂါ ရှိ၊ မရှိ စစ်ဆေးသင့်ပါတယ်။ အတွင်းတိမ်ပဲဖြစ်ဖြစ်၊ ရေတိမ်ပဲဖြစ်ဖြစ် အချိန်မီသိရှိပြီး တိကျသေချာတဲ့ နိုင်ငံတကာအဆင့်မီ နည်းပညာတွေနဲ့ ကုသဖို့က အရေးကြီးဆုံးပါ။