ISEC ဖွင့်ပွဲအခမ်းအနားကို ဒီဇင်ဘာ ၆ ရက်၊ ၂၀၁၉ ခုနှစ်တွင် ရန်ကုန်မြို့ ကမ္ဘာအေးဘုရားလမ်းရှိ Melia Hotel တွင် ကျင်းပခဲ့ပြီး မြို့တော်ဝန် ဦးမောင်မောင်စိုး၊ ကျန်းမာရေးနှင့် အားကစားဝန်ကြီးဌာနမှ တာဝန်ရှိသူပုဂ္ဂိုလ်များနှင့် မြန်မာနိုင်ငံ ရင်းနှီးမြှပ်နှံမှုကော်မရှင်မှ တာဝန်ရှိပုဂ္ဂိုလ်များ မြန်မာနိုင်ငံဆေးကောင်စီ၊ မြန်မာနိုင်ငံ မျက်စိဆရာဝန်များအသင်း၊ မြန်မာနိုင်ငံဆိုင်ရာ ဂျာမနီနိုင်ငံသံအမတ်ကြီး၊ အမေရိကန် ကုန်သည်ကြီးများအသင်း ဥရောပ ဆိုင်ရာ ကုန်သည်ကြီးများအသင်းများ မှတက်ရောက်ခဲ့သည်။

“ကျွန်တော်တို့ရဲ့ မျှော်မှန်းချက်ကတော့ ကမ္ဘာ့အဆင့်မီ မျက်စိကျန်းမာရေးဝန်ဆောင်မှုတွေကို အဆင်ပြေပြေနဲ့ သင်တင့်မျှတစွာ ပံံ့ပိုးပေးနိုင်ဖို့ပါ။ အခုဆိုရင် မျက်စိရောဂါ၊ အမြင်အာရုံချို့တဲ့ နေသူတွေအနေနဲ့ ပြည်ပကိုသွားစရာလည်းမလိုတော့သလို ကုသမှုရရှိဖို့ကိုလည်း ပိုက်ဆံအများကြီးကုန်စရာမလိုတော့ပါဘူး။ ရန်ကုန်မှာအခုလာဖွင့်ထားတဲ့ ကျွန်တော်တို့ရဲ့ဆေးရုံက သန်းပေါင်းများစွာသော မြန်မာပြည်သူတွေရဲ့ အမြင်အာရုံကိုကာကွယ် မြှင့်တင်ပေးနိုင်မယ်လို့ မျှော်လင့်ပါတယ်”ဟု ISEC ၏ အမှုဆောင်အရာရှိချုပ် ဒေါက်တာ Wong Jun Shyan က ပြောသည်။

ISEC သည် စင်္ကာပူနိုင်ငံအခြေစိုက် ရင်းနှီးမြှပ်နှံမှု လုပ်ငန်းစုတစ်ခုဖြစ်ပြီး စင်္ကာပူနှင့် မလေးရှားနိုင်ငံ ကွာလာလမ်ပူ၊ ပီနန်၊ မလက္ကာတို့တွင် ဖွင့်လှစ်ခဲ့ပြီး ဖြစ်သည်။